日本戰國不落之城！歷史迷朝聖必到! 小田原城

小田原城係一座位於神奈川縣小田原市的城池，距離小田原站不遠，如果嚟開小田原市都推介可以去埋。由於小田原城喺戰國時代曾經係出名的易守難攻之城，聽講係鍾意日本歷史迷必到朝聖嘅城池之一。🇯🇵⚔️😆 小歷史： 喺日本嘅戰國時代，各個地方勢力都想爭奪天下霸主嘅位置。即使豐臣秀吉成為最強霸主之後，諸侯北條氏居住嘅小田原城仍然不肯投降，依然頑強抵抗。而小田原城池因為建喺山丘上面，可以俯瞰整個小田原市，所以易守難攻。要經過長達三個月的包圍戰後，北條氏才戰敗開城降服。雖然最終令北條氏滅亡，不過呢個城池遺址到依家依然吸引好多人嚟參觀！ 喺1923年嘅關東大地震，小田原城嘅建築幾乎全部毀掉，直到1930年代，城址開始重整修復變成公園開放。而天守閣最頂層嘅觀景台仲可以一覽整個小田原市嘅市內風光📸😍。不過今次因為時間關係冇上去！🥲 而城內公園仲有一個小小動物園，養咗不少馬騮，見到當地家長會帶小朋友去玩，應該係市內民眾會去嘅其中一個熱門地方。 聽講城池內外都遍佈櫻花樹，如果春季嚟更加可以睇到櫻花盛開，係關東地區其中一個出名嘅賞櫻勝地。下次有機會再plan嚟賞櫻先🌸😆。 交通： 新幹線或JR電車到「小田原」站 （從東京出發車程約35分鐘） 小田原站東口 - 步行大約10分鐘。 小田原城 📍神奈川縣小田原市荻窪300 🎌推介程度：❤️❤️❤️❤️ #鎌倉#小田原#小田原站#東京近郊#人氣景點#旅遊#推介#小田原城#日本戰國#不落之城#歷史迷#朝聖#必到#日本#日式#日本之旅#japan#自由行#必去#好去處#熱門菜式#打卡#攻略#chill#週末#快閃之旅